യൂണിറ്റ് – 8

ഉപ്പു ചാലിച്ച ചിത്രമേ

                           ശ്രീകുമാർ കരിയാട്      

Learning Outcomes

Prerequisites

Key words

ആധുനികത-ഉത്തരാധുനികത -ബിംബകൽപ്പന -രൂപഘടന – ബഹുസ്വരത- താളബദ്ധത

4.8.1. Content

പ്രാചീനമായ ഒരു ഗുഹയ്ക്കുള്ളിൽ എത്തിച്ചേരുന്ന കവി , ഗുഹയ്ക്കുള്ളിലെ വെളിച്ചം കടന്നു ചെല്ലാത്ത ഒരു മൂലയിൽ ആലേഖനം ചെയ്തിരിക്കുന്ന ഒരു ചിത്രത്തെയും അതിൽ കണ്ണുനീർ ചാലിച്ച ചരിത്രത്തെയും കൊണ്ടുത്തുന്നതാണ് കവിതയുടെ കേന്ദ പ്രമേയം. തുടർ‍ന്ന് ചിത്രത്തിനു പിന്നിലുള്ള ചരിത്രത്തിലേയ്ക്ക് കവി വായനക്കാര കൂട്ടിക്കൊണ്ടു പോകുന്നു.  ചരിത്രത്തിനു രേഖീയമായ ഒരു മുഖമല്ല ഉള്ളതെന്നും അടയാളപ്പെടുത്താതെ പോയ ഏടുകളിലൂടെ ചരിത്രം വായിക്കണമെന്നും  ചിത്രത്തെ ബിംബവത്ക്കരിച്ചുകൊണ്ട്  പറയുകയാണ് കവി.

വരികള്‍

പ്രാചീനക്കൽഗുഹയ്ക്കുള്ളിൽ

……………………………………

ഉപ്പുചാലിച്ച ചിത്രമേ

ആശയ വിശദീകരണം

പ്രാചീനമായ ഗുഹയ്ക്കുള്ളിലെ വെട്ടം വീഴാത്ത ഭിത്തിയിൽ ഒരിറ്റു കണ്ണുനീരിൻ്റെ ഉപ്പുചാലിച്ച ചിത്രം കവി കാണുന്നതാണ് സന്ദർഭം. പ്രാചീന ഗുഹയ്ക്കുള്ളിലെ വെട്ടം വീഴാത്ത ഭിത്തിയിൽ കവി കണ്ടെടുക്കുന്ന കണ്ണീരിൻ്റെ  ഉപ്പുചാലിച്ച ചിത്രം ചരിത്രത്തിലേയ്ക്കുള്ള ഒരു നോട്ടമാണ്. കവിതയിലെ വെളിച്ചമെത്താത്ത ഭിത്തി അധികമാരും കടന്നു ചെന്നിട്ടില്ലാത്ത ചരിത്രത്തെ സൂചിപ്പിക്കുന്നു.

വരികള്‍

“നിന്നെക്കാണുന്നതിനായി

…………………………..

കണ്ണുനീരേ, തൊഴട്ടെ ഞാൻ ‘

ആശയ വിശദീകരണം

നിന്നെക്കാണുന്നതിനു വേണ്ടി പക്ഷിയെപ്പോലെ പറന്നു ഞാനിവിടെ വന്നു നിൽക്കുന്നു. ചിത്രത്തിൽ ചാലിച്ച ‘കണ്ണുനീരിനെ തൊഴുട്ടെ’ എന്ന് കവി ചോദിക്കുകയാണ്. പ്രാചീന ഗുഹയ്ക്കുള്ളിലെ വെളിച്ചമെത്താത്ത  മൂലയിൽ ആലേഖനം ചെയ്തിരിക്കുന്ന ചിത്രത്തിന് മുന്നിൽ കവി നിൽക്കുന്നു. ശേഷം ചിത്രത്തിൽ ചാലിച്ചിരിക്കുന്ന കണ്ണുനീരിനെ കാണുകയും അതിനെ തൊഴട്ടേ എന്നു ചോദിക്കുകയും ചെയ്യുന്നതിലൂടെ ഒരു ജീവിത ചരിത്രത്തെ കണ്ടെത്തുകയാണ് കവി. എവിടെയും അടയാളപ്പെടുത്താതെ പോയ എത്രയോ മനുഷ്യരുടെ കണ്ണിരിലൂടെയാണ് ചരിത്രം നിർമ്മിക്കപ്പെട്ടിരിക്കുന്നത് എന്ന് സാരം.

വരികൾ

“ചിത്രമേ, നിൻ സ്വരൂപത്തി-

…… ………………………………

കൂട്ടുകൾ നിൻ സൃഷ്ടിയിൽ “

അർത്ഥ വിശദീകരണം

ഗഹ്വരം                          =       ഗുഹ,  കാട്,  വള്ളിക്കുടിൽ, ആഴമുള്ള കുഴി

കടും ചായക്കൂട്ടുകൾ  = കുടുത്ത നിറങ്ങളുടെക്കൂട്ടുകൾ

ആശയ വിശദീകരണം

ചിത്രമേ, നിന്റെ ഉടൽ കടലായി മാറുന്നു. ഞാൻ നിന്റെ രൂപത്തിൽ എപ്പോഴും ദുഃഖത്തിന്റെ തിരമാലകൾ കാണുന്നു. ഗുഹാമുഖത്തുനിന്നു കേൾക്കുന്ന ഏകാന്തതയുടെ വിലാപം പോലെ എത്ര ചായ കൂട്ടുകളാണ് നിന്റെ സൃഷ്ടിയിൽ എന്ന് കവി ചിത്രത്തോട് ചോദിക്കുന്നു. ഗുഹയ്‌ക്കുളളിലെ ചിത്രത്തെക്കുറിച്ച് കവി  വാചാലനാകുന്നുതാണ് സന്ദർഭം.  ചിത്രത്തെ കവി കടലായും അതിൽ നിറയുന്ന ദുഃഖത്തെ അലകളായും കൽപ്പിച്ചിരിക്കുന്നു.  കണ്ടെടുക്കാതെ പോയ എത്രയെത്ര മനുഷ്യരുടെ ജീവിതങ്ങളാണ് ചരിത്രത്തെയും വർത്തമാനത്തെയും നിർമ്മിച്ചതെന്ന സൂചനയാണ് ഈ വരികളിൽ നിന്ന് ലഭിക്കുന്നത്.

വരികൾ

“നിന്റെയാത്മാവു നിറയെ

……. ………………………………………….

പുഴകൾ, പണ്ടേ ജനിച്ചവർ”

ആശയ വിശദീകരണം

നിന്റെ ആത്മാവിലെ സ്വപ്നങ്ങളാകുന്ന കപ്പൽ തകർന്നു പോയ്. അത് ആവിഷ്ക്കരിക്കാൻ ശ്രമിച്ച ചിത്രകാരൻ മരിച്ചു.  നിൻറെ രൂപത്തിലിപ്പോഴും അരൂപത്തിന്റെ ഛായിൽ ഒളിച്ചിരിപ്പുണ്ടു കദനപ്പുഴകൾ, പണ്ടേ ജനിച്ചവർ എന്ന് കവി ചിത്രത്തോടു പറയുന്നതാണ് സന്ദർഭം.

വരികൾ

“ഇപ്പോൾ ഞാൻ നിന്നെ നോക്കുമ്പോ-

…… . …. ……………………………………

നീരിൻ തനിപ്പകർപ്പു നി “

ആശയ വിശദീകരണം

ഇപ്പോൾ ഞാൻ നിന്നെ നോക്കുമ്പോൾ ,നീ ഒരു തുള്ളിയായി ഊറിക്കൂടി എൻറെ കണ്ണുനീരിന്റെ തനിപ്പകർപ്പായിരിക്കുന്നു. കവി ചിത്രത്തിൽ നോക്കുമ്പോൾ കാണുന്ന കണ്ണുനീർത്തുള്ളി കവിയുടേത് കൂടിയായിരിക്കുന്നു എന്ന് സാരം. മനുഷ്യരുടെ അതിജീവന ചരിത്രത്തിലേയ്ക്കാണ് കവി കടന്നുചെല്ലുന്നത്. രേഖപ്പെടുത്താതെ പോയ മാനുഷിക ഭാവങ്ങളെയാണ് ചിത്രത്തിൽ നിന്ന് കവി കണ്ടെത്തുന്നത്.

കാവ്യാവലോകനം

താളാത്മകതയും ഹൃദ്യമായ ഭാഷാശൈലിയും ശ്രീകുമാർ കരിയാടിന്റെ കവിതകളുടെ പ്രധാന സവിശേഷതയാണ്.  പ്രാചീന ഗുഹയ്ക്കുള്ളിൽ കവി കണ്ടെത്തുന്ന ചിത്രത്തിൽ നിറയുന്ന കണ്ണുനീരാണ് കവിതയിലെ പ്രധാന ബിംബം. കണ്ണുനീർ ചാലിച്ച ചിത്രത്തിൽ നിന്ന് കണ്ണുനീർ ചാലിച്ച ചരിത്രത്തെയാണ് കവി കണ്ടെത്തുന്നത് . കവിതയിൽ ഉപ്പ് കണ്ണുനീരാർന്ന ചരിത്രത്തിന്റെയും ജീവന്റെയും ബിംബമാണ്. മനുഷ്യരാശിയുടെ ചരിത്രത്തിലേയ്ക്കുള്ള നോട്ടം ഗുഹാമുഖത്തിലെ ഒരു ചിത്രത്തിൽ നിന്ന് ആരംഭിക്കുന്ന രീതി സവിശേഷമാണ്.  എഴുത്തിനും മുൻപേ ആരംഭിച്ച വരകളുടെ ചരിത്രത്തിൽ നിന്നാണ് കവിത ആരംഭിക്കുന്നത്. അതിലും ഇടമില്ലാതെ പോയ എത്രയോ ചരിത്രങ്ങൾ ചിത്രത്തിനു പിന്നിലുണ്ടാകാം എന്ന സൂചനയും കവിതയിൽ നിന്ന് ലഭിക്കുന്നു. ബഹുസ്വരമായ വായനാ സാധ്യതകൾക്ക് വഴി തുറക്കുന്ന കവിതയാണ് ‘ ഉപ്പ് ചാലിച്ച ചിത്രമേ ‘ എന്ന് നിസംശയം പറയാം.

Recap

Questions

Answers

Assignment topics

References

E- content