Unit-2

51-58 श्लोकाः

उद्देश्यानि।(Learning Outcomes)

प्राग्व्यपेक्षा (Prerequisites)

मुख्यपदानि (Key terms) 

मृृगेन्द्रे, उच्चैः, धेन्वा, वाचं, क्षतात्,विपरीतबुद्धेः, सुरभेः।

Discussion 

५१. सिंह: स्ववचोभ्य: विरराम।
                                           एतावदुक्त्वा विरते मृृगेन्द्रे
                                           प्रतिस्वनेनास्य गुहागतेन।
                                           शिलोच्चयोऽपि क्षितिपालमुच्चै:
                                           प्रीत्या तमेवार्थमभाषतेव।।५१।।
पदच्छेद: – एतावदुक्त्वा – एतावत् + उक्त्वा
तमेवार्थमभाषतेव – तम् + एव + अर्थम् + अभाषत +इव।

अन्वय:                 अन्वयार्थ:
मृगेन्द्रे                  – सिंहे
एतावत्                – एतत्पर्यन्तं
उक्त्वा                 – कथयित्वा
विरते (सति)        – विरामं गते सति
गुहागतेन             – गुहापूरितेन
अस्य प्रतिस्वनेन    – सिंहशब्दस्य प्रतिशब्देन
शिलोच्चय: अपि   – पर्वत: अपि
तमेवार्थं              – मृगराजेन यदुक्तं तद्
प्रीत्या                 – सन्तोषेण
क्षितिपालं            – दिलीपं
उच्चै:                – उच्चस्तरं
अभाषत इव     – अवदत् इव (प्रतिभाति)।
सार: – एतत्पर्यन्तम् उक्त्वा मृगेन्द्रे विरते सति दरीगतेन प्रतिशब्देन पर्वतोऽपि अतिप्रीत्या राजानं तदेव उच्चैस्तरं
अवदत् इव प्रतिभाति।
अलङ्कार: – उत्प्रेक्षा। (सम्भावना स्यादुत्प्रेक्षा वस्तुहेतुफलात्मना)
विग्रह: – मृगेन्द्र: – मृगाणाम् इन्द्र: मृगेन्द्र:।
क्षितिपाल: – क्षिते: पाल: क्षितिपाल:।
क्रिया – अभाषत – भाष व्यक्तायां- वाचि -आत्म-लङ्-प्र-पु-एव।
अभाषत – अभाषेतां – अभाषन्त।
प्रयोगविशेष: – विरते मृगेन्द्रे – सति सप्तमीप्रयोग:।

५२. राजा पुनरपि उवाच।
                                    निशम्य देवानुचरस्य वाचं
                                    मनुष्यदेव: पुनरप्युवाच।
                                    धेन्वा तदध्यासितकातराक्ष्या
                                    निरीक्ष्यमाण: सुतरां दयालु:।।५२।।
पदच्छेद: – पुनरप्युवाच – पुन: + अपि + उवाच।
तदध्यासितकातराक्ष्या – तत्+ अध्यासितकातराक्ष्या।
अन्वय:                                     अन्वयार्थ:
देवानुचरस्य                        – देवस्य (शिवस्य) अनुयायिन: (सिंहस्य)
वाचं निशम्य                        – वाणीम् आकण्र्य
मनुष्यदेव:                          – राजा दिलीप:
तदध्यासितकातराक्ष्या धेन्वा     – सिंहाक्रमणेन भयचकितया धेन्वा
निरीक्ष्यमाण:                      – वीक्ष्यमाण:
सुतरां दयालु:                      – अत्यधिकं कृपालु: सन्
पुन: अपि उवाच                  – भूयोऽपि अवदत्
सार: – सिंहाक्रमणेन भयचकिताया: धेन्वा: अवलोकनेन राजा नितरां दयालु: अभवत्। देवानुचरस्य सिंहस्य
वाणीम् आकण्र्य मनुष्यदेव: स: भूयोऽपि अवदत्।
विग्रह: – मनुष्यदेव: – मनुष्याणां देव: मनुष्यदेव:।
कातराक्ष्या – कातरे अक्षिणी यस्या: सा कातराक्षी, तया।
क्रिया – उवाच – ब्रूञ् व्यक्तायां वाचि पर-लिट्-प्र-पु-ए-व।
उवाच – ऊचतु: – ऊचु:।

५३. क्षतात् त्राणमेव क्षत्रियस्य मुख्य: धर्म:।
                                               क्षतात्किल त्रायत इत्युदग्र:
                                               क्षत्रस्य शब्दो भुवनेषु रूढ:।
                                               राज्येन किं तद्विपरीतवृत्ते:
                                               प्राणैरुपक्रोशमलीमसैर्वा।।५३।।
पदच्छेद: – त्रायत इति – त्रायते +इति।
इत्युदग्र: – इति +उदग्र:।
प्राणैरुपक्रोशमलीमसैर्वा – प्राणै: अ उपक्रोशमलीमसै: अ वा।
अन्वय:                                     अन्वयार्थ:
क्षतात्                                 – आपद:
त्रायते इति                           – रक्ष्यते इति
उदग्र: क्षत्रस्य शब्द:                – श्रेष्ठ: क्षत्रियशब्द: इति
भुवनेषु रूढ: किल                 – त्रिषु लोकेषु प्रसिद्ध: खलु
तत् विपरीतवृत्ते:                    – तस्य प्रतिलोमेन आचरत:
राज्येन किं                           – राज्येन किं प्रयोजनम्?
उपक्रोशमलीमसै: प्राणै: वा  – निन्दया मलीमसेन प्राणधारणेन वा किम्?
सार: – क्षतात् त्रायते इति क्षत्रिय: इति श्रेष्ठ: शब्द: लोकेषु सर्वत्र प्रसिद्ध: खलु। एवं स्थिते तद्विपरीतेन आचरितस्य पुरुषस्य राज्येन, उपक्रोशमलीमसेन जीवितेन वा किं प्रयोजनम्? (न किमपि प्रयोजनम् इत्यर्थ:)
विग्रह: – उपक्रोशमलीमसेन – उपक्रोशेन (निन्दया) मलीमस: उपक्रोशमलीमस:, तेन।

५४. अन्यगवां प्रदानेन महर्षिम् अनुनेतुं न शक्यते।
                                                  कथं नु शक्योऽनुनयो महर्षे-
                                                  र्विश्राणनादन्यपयस्विनीनाम्।
                                                   इमामनूनां सुरभेरवेहि
                                                   रुद्रौजसा तु प्रहृतं त्वयास्याम्।।५४।।
पदच्छेद: – शक्योऽनुनय: – शक्य: + अनुनय:।
विश्राणनाच्चान्यपयस्विनीनाम् – विश्राणनात् + च +अन्यपयस्विनानाम्।
सुरभेरवेहि – सुरभे: + अवेहि।
त्वयास्याम् – त्वया + अस्याम्।
अन्वय:                      अन्वयार्थ:
अन्यपयस्विनीनां          – अन्यधेनूनां
विश्राणनात्                – दानात्
महर्षे:                      – वसिष्ठस्य
अनुनय:                   – सान्त्वनं
कथं नु शक्य:          – अशक्य: एव
इमां                      – नन्दिनीं
सुरभे:                    – कामधेनो:
अनूनाम् अवेहि       – अन्यूनाम् जानीहि
अस्यां                 – अस्यां गवि
त्वया प्रहृतं तु        – त्वया कृतम् अपहरणं तावत्
रुद्रौजसा              – रुद्रस्य शिवस्य शक्त्या एव।
सार: – अन्यधेनूनाम् प्रदानेन महर्षे: सान्त्वनं साध्यं न। इयं धेनु: कामधेनो: अनन्या एव। केवलं शिवशक्त्या
एव इमां प्रहृतवान् अस्ति।
विग्रह: – पयस्विनी – प्रशस्तं पय: यस्या: सा पयस्विनी।
क्रिया – अवेहि – अव आ इत्युपसर्ग-द्वयपूर्वकइण् गतौ पर-लोट्-म-पु-एव।
अवेहि -अवेतम् – अवेत।

५५. राजा स्वदेहार्पणेन धेन्वा: मोचनम् इच्छति।
                                           सेयं स्वदेहार्पणनिष्क्रयेण
                                            न्याय्या मया मोचयितुं भवत्त:।
                                            न पारणा स्याद्विहता तवैवं
                                            भवेदलुप्तश्च मुने: क्रियार्थ:।।५५।।
पदच्छेद: – सेयम् – सा +इयम्।
स्याद्विहता- स्यात् + विहता।
तवैवम् – तव + एवम्।
भवेदलुप्तश्च – भवेत्+ अलुप्त: + च।

अन्वय:                            अन्वयार्थ:
सा इयं                       – इयं नन्दिनी
मया                          – राज्ञा
स्वदेहार्पणनिष्क्रयेण     – स्वदेहसमर्पणविनिमयेन
भवत्त:                       – त्वत्त:
मोचयितुं                    – विमोचयितुं
न्याय्या                    – न्यायादनपेता
तव                          – सिंहस्य
पारणा                     – व्रतावसानभोजनं
विहता न स्यात्          – विनष्टा न भवेत्
मुने:                        – वसिष्ठस्य
क्रियार्थ: च              – क्रियाया: साधनं (धेनु:)
अलुप्त: भवेत्          – अन्यूनं न भवेत्।
सार: – मम शरीरप्रदानेन त्वत्त: इमां धेनुं मोचयितुम् इच्छामि। एवं चेत् तव पारणाया: हानि: न भवति, महर्षे:
क्रियाया: हेतो: धेनो: लोभश्च न स्यात्।
विग्रह: – न्याय्या – न्यायात् अनपेता।
क्रिया – भवेत् – भू सत्तायाम् पर-विधिलिङ्-प्र-पु-ए-व।
भवेत् – भवेतां – भवेयु:।

५६. गो: रक्षाम् अकृत्वा स्वामिन: पुरत: स्थातुं न शक्यते।
                                                             भवानपीदं परवानवैति
                                                             महान् हि यत्नस्तव देवदारौ।
                                                             स्थातुं नियोक्तुर्नहि शक्यमग्रे
                                                            विनाश्य रक्ष्यं स्वयमक्षतेन।।५६।।
पदच्छेद: – भवानपीदं – भवान् + अपि +इदम्।
यत्नस्तव – यत्न: + तव।
नियोक्तुर्न – नियोक्तु: +न।
अन्वय:                               अन्वयार्थ:
परवान् भवान् अपि          – यजमानेन नियुक्त: भवान् अपि
इदम् अवैति                   – एतत् जानातु
हि तव                           – कुत: इति चेत् भवत:
देवदारौ                         – देवदारुसंरक्षणे
महान् यत्न:                   – अधिक: यत्न:
रक्ष्यं                            – रक्षणीयं वस्तु
विनाश्य                         – नाशयित्वा
अक्षतेन                       – विना क्षतं
स्वयं नियोक्तु:            – स्वयं यजमानस्य
अग्रे                           – पुरत:
स्थातुं शक्यं नहि        – उपैतुम् अशक्यं खलु।
सार: – त्वं देवदारो: रक्षणाय नियुक्त: असि। त्वया अस्मिन् कर्मणि महान् क्लेश: अनुभूयते किल। एवं
स्थिते रक्ष्यं वस्तु अरक्ष्य अक्षतेन यजमानस्य पुर: स्थातुं कथं शक्यते? विना नन्दिनीम् ऋषिम् उपैतुम्
अशक्त: इति भाव:।
विग्रह: – रक्ष्य: – रक्षितुं योग्य:।

५७. महतां देहापेक्षया यश: वरीय:।
किमप्यहिंस्यस्तव चेन्मतोऽहं
यश: शरीरे भव मे दयालु:।
एकान्तविध्वंसिषु मद्विधानां
पिण्डेष्वनास्था खलु भौतिकेषु।।५७।।
पदच्छेद: – किमप्यहिंस्यस्तव – किम् + अपि + अहिंस्य: + तव।
चेन्मतोऽहम् – चेत् + मत: + अहम्।
पिण्डेष्वनास्था – पिण्डेषु + अनास्था।
अन्वय:                           अन्वयार्थ:
किमप्यहं                     – येन केनापि कारणेन अहं (दिलीप:)
तव                              – सिंहस्य
अहिंस्य: मत: इति चेत्    – हिंसानर्ह: इति चिन्ता चेत्
मे यश: शरीरे               – मम यश एव शरीरे
दयालु: भव                   – करुणावान् भव
मद्विधानां                        – मादृशानां
एकान्तविध्वंसिषु             – अत्यन्तनश्वरेषु
भौतिकेषु पिण्डेषु            – पञ्चभूतनिर्मितेषु शरीरेषु
अनास्था खलु                – आसक्ति: न अस्त्येव।
सार: – अहम् अवध्य: इति भवान् चिन्तयति तर्हि मम यश: एव शरीरे दयालु: भव। कुत: इति चेत् मादृशानां
पञ्चभूतनिर्मितेषु शरीरेषु आसक्ति: नास्ति एव।
विग्रह: – अहिंस्य: – हन्तुं योग्य: हिंस्य:, न हिंस्य:।
दयालु: – दया अस्य अस्ति इति दयालु:।

५८. सम्भाषणेन सौहृदं जायते।
                                          सम्बन्धमाभाषणपूर्वमाहु-
                                          र्वृत्त: स नौ संगतयोर्वनान्ते।
                                          तद्भूतनाथानुग नार्हसि त्वं
                                          सम्बन्धिनो मे प्रणयं विहन्तुम्।।५८।।
पदच्छेद: – संगतयोर्वनान्ते – संगतयो: + वनान्ते।
तद्भूतनाथानुग – तत् + भूतनाथानुग।
नार्हसि – न + अर्हसि ।
सम्बन्धिनो मे – सम्बन्धिनःअ मे
अन्वय:                           अन्वयार्थ:
सम्बन्धं                              – सौहृदं
आभाषणपूर्वम् (इति) आहु:     – सम्भाषणहेतुकम् इति विद्वांसःवदन्ति
वनान्ते संगतयो:                   – वने मिलितयो: आवयो:
स: नौ वृत्त:                         – सम्बन्ध: जात:
तत्                                    – तस्मात्
हे भूतनाथानुग!                    – हे शिवकिङ्कर!
त्वं संबन्धिन: मे                    – सुहृद्भूतस्य मे
(त्वं मम सुहृत् संजात: असि)
प्रणयं विहन्तुं नार्हसि             – मम प्रार्थनां त्यक्तुं नार्हसि।
सार: – मिथ: सम्भाषणेन सौहृदं संजायते इति अभिज्ञा: वदन्ति। तादृश: सम्बन्ध: अत्र संजात:। तस्मात् मम
प्रार्थनां स्वीकुरु।
क्रिया – आहु: – ब्रूञ् व्यक्तायां वाचि धातो: पर-लट्-प्रपु-बव।
ब्रवीति /आह – ब्रूत: /आहतु: – ब्रुवन्ति/आहु:।

पुनरावृत्तिः (Recap)

वस्तुनिष्ठप्रश्नाः (Objective type questions)

एकेन वाक्येन द्वाभ्यां वा उत्तराणि लिखत।(Answer the following questions in one or two sentences)

निर्देशानुसारम्  उत्तरयत

एकैकया खण्डिकयाउत्तराणि लिखत।(Answer the following question in a paragraph)

निर्दिष्टाभ्यासः (Assignments)

उत्तराणि (Answer to Objective type questions)

अधिकवाचनाय ग्रन्थाः (suggested Readings)