ഫെബ്രുവരി 10 ന് തൃശൂർ അക്വാട്ടിക് കോംപ്ലക്സിൽ നീന്തൽ മത്സരങ്ങളോടെ സ്പോർട്സ് മീറ്റിന് തിരി തെളിയും. ഫെബ്രുവരി 17 ന് തൃശൂർ സായി സ്പോർട്സ് സെന്ററിൽ വോളി ബോൾ മത്സരങ്ങളും, എറണാകുളം മഹാരാജാസ് കോളേജ് ഗ്രൗണ്ടിൽ മാർച്ച്‌ 22,23 തീയതികളിലായി അത്ലറ്റിക് മത്സരങ്ങളും 24, 25 തീയതികളിലായി ഫുട്ബോൾ മത്സരങ്ങളും അരങ്ങേറും.
മത്സരങ്ങളിൽ ഒന്ന്, രണ്ട്, മൂന്ന് സ്ഥാനങ്ങൾ നേടുന്നവർക്ക് സർവകലാശാല നിയമങ്ങൾക്കനുസൃതമായി ഗ്രേസ് മാർക്ക് നൽകും കൂടാതെ,ഇന്റർ യൂണിവേഴ്സിറ്റി സ്പോർട്സ് മത്സരങ്ങളിൽ ഓപ്പൺ യൂണിവേഴ്സിറ്റിയെ പ്രതിനിധീകരിച്ച് പങ്കെടുക്കാൻ അവസരം ലഭിക്കും. ഏറ്റവും കൂടുതൽ പോയിന്റ് നേടുന്ന റീജിയണൽ സെന്ററിനും പഠന കേന്ദ്രത്തിനും ഓവർ ഓൾ കിരീടവും നൽകും. സർവകലാശാലയിൽ പഠിക്കുന്ന വിവിധ പ്രായത്തിലുള്ള 2000 തിലധികം പഠിതാക്കൾ സ്പോർട്സ് മീറ്റിന് വിവിധ വ്യക്തിഗത ഗ്രൂപ്പ് മത്സരങ്ങളിൽ മാറ്റുരയ്ക്കുന്നു.
എം എ മലയാളം പഠിതാവ് വിപിൻ കെ യുടെ ലോഗോ ഡിസൈൻ സമ്മാനർഹമായി.ഓപ്പൺ യൂണിവേഴ്സിറ്റിയുടെ എം എ മലയാളം വയനാട് എൻ എം എസ് എം പഠന കേന്ദ്രത്തിലെ പഠിതാവായ വിപിൻ കെയുടെ ലോഗോയാണ് സമ്മാനർഹമായത്. 5000 രൂപയാണ് ക്യാഷ് പ്രൈസ് പ്രഖ്യാപിച്ചിട്ടുള്ളത്.സ്പോർട്സ് മീറ്റ് ലോഗോ ഡിസൈൻ ക്ഷണിച്ചതിൽ നിന്നും ലഭിച്ച 320 എൻട്രികളിൽ നിന്നുമാണ് കമ്മിറ്റി മികച്ച ലോഗോയായി വിപിന്റെ ലോഗോ തിരഞ്ഞെടുത്തത്.