Instructions for E-grantz

പോസ്റ്റ് മെട്രിക് സ്കോളർഷിപ്പ് എന്നത് പത്താം ക്ലാസിന് ശേഷമുള്ള കോഴ്സുകൾ പഠിക്കുന്ന സാമ്പത്തികമായി പിന്നോക്കം നിൽക്കുന്ന വിദ്യാർഥികൾക്ക് കേന്ദ്ര-സംസ്ഥാന സർക്കാരുകൾ നൽകുന്ന ഒരു സാമ്പത്തിക സഹായമാണ്. നിലവില്‍, സര്‍ക്കാര്‍ തീരുമാന പ്രകാരം, വിദൂരവിദ്യാഭ്യാസ രീതി അവലംബിക്കുന്ന സ്ഥാപനം എന്ന നിലയില്‍ ശ്രീനാരായണഗുരു ഓപ്പണ്‍ യൂണിവേഴ്സിറ്റിയില്‍ പട്ടികജാതി, പട്ടികവർഗം, ഒ.ഇ.സി., ഒ.ബി.സി(എച്ച്), ഫീഷറീസ് എന്നീ വിഭാഗങ്ങളിലുള്ള പഠിതാക്കള്‍ക്ക് മാത്രമാണ് ഇ-ഗ്രാന്‍റ്സിന് അപേക്ഷിക്കാന്‍ അര്‍ഹതയുള്ളത്. ഒ.ബി.സി (ഈഴവ, മുസ്ലിം, തീയ്യ തുടങ്ങിയവ), ജനറല്‍, മറ്റ് വിഭാഗങ്ങള്‍, എന്നിവര്‍ക്ക് ഇ-ഗ്രാന്‍റ്സ് ലഭിക്കുന്നതല്ല. ആയതിനാല്‍ ഈ വിഭാഗങ്ങളില്‍പെടുന്ന പഠിതാക്കള്‍ അപേക്ഷിക്കേണ്ടതില്ല.

ലക്ഷ്യങ്ങൾ

• സാമ്പത്തികമായി പിന്നോക്കം നിൽക്കുന്ന വിദ്യാർഥികൾക്ക് ഉന്നതവിദ്യാഭ്യാസം പൂർത്തിയാക്കാൻ സഹായം നൽകുക.
• വിവിധ കോഴ്സുകളിലേക്കുള്ള പ്രവേശനം പ്രോത്സാഹിപ്പിക്കുക.
• സാമൂഹികമായി പിന്നോക്കം നിൽക്കുന്ന വിഭാഗങ്ങളുടെ ഉന്നമനം സാധ്യമാക്കുക.

അപേക്ഷിക്കാനുള്ള യോഗ്യതകൾ

• അപേക്ഷകൻ ഇന്ത്യൻ പൗരനായിരിക്കണം
• വര്‍ഷം 2000-ത്തിനുശേഷം ഏതെങ്കിലും ഗവ. അപ്രൂവ്ഡ് കോഴ്സുകള്‍ ചെയ്തവര്‍ ആയിരിക്കണം.
• എസ്.സി., എസ്.ടി കാറ്റഗറിയിലുള്ളവര്‍ 50 വയസ്സിന് താഴെ പ്രായമുള്ളവര്‍ ആയിരിക്കണം.
• സര്‍ക്കാര്‍-പൊതുമേഖലാ സ്ഥാപന ജീവനക്കാര്‍, പെന്‍ഷണര്‍മാര്‍ (ലാസ്റ്റ് ഗ്രേഡ് ജീവനക്കാര്‍ ഒഴികെ) എന്നിവര്‍ക്ക് അര്‍ഹതയുണ്ടായിരിക്കുന്നതല്ല.
• വിവിധ വിഭാഗങ്ങൾക്കനുസരിച്ച് വാർഷിക കുടുംബ വരുമാനത്തിന് പരിധി നിശ്ചയിച്ചിട്ടുണ്ട്.

പ്രത്യേക ശ്രദ്ധയ്ക്ക്

• ഇഗ്രാന്‍റ്സിന് അപേക്ഷിക്കുന്ന പഠിതാക്കള്‍ നിര്‍ബന്ധമായും Zero Balance Bank Account എടുക്കേണ്ടതാണ്. പുതുതായി പ്രവേശനം നേടുന്ന പഠിതാക്കള്‍ പുതുതായി തന്നെZero Balance Bank Account എടുക്കണം. നിലവിലുള്ള മറ്റൊരു അക്കൗണ്ടും ഇഗ്രാന്‍റ്സിന്‍റെ ആവശ്യത്തിനായി യാതൊരു കാരണവശാലും ഉപയോഗിക്കാന്‍ പാടില്ല. പുതുതായി എടുക്കുന്ന അക്കൗണ്ട് യാതൊരുവിധ മറ്റ് ഇടപാടുകള്‍ക്കും ഉപയോഗിക്കുവാന്‍ പാടുള്ളതല്ല. SC, STവിഭാഗത്തില്‍ വരുന്ന പഠിതാക്കള്‍ പ്രസ്തുത അക്കൗണ്ട് നിര്‍ബന്ധമായും തങ്ങളുടെ ആധാറുമായി സീഡ് (ലിങ്ക്) ചെയ്യേണ്ടതാണ്. അല്ലാത്തപക്ഷം അവര്‍ക്ക് ഇഗ്രാന്‍റ്സിന്‍റെ കേന്ദ്ര വിഹിതം ലഭ്യമാകുന്നതല്ല.
• ഓരോ സെമസ്റ്ററിലേയും എക്സാം രജിസ്ട്രേഷനോടൊപ്പം മുകളില്‍ പറഞ്ഞ അക്കൗണ്ടിന്‍റെ അപ്ഡേറ്റഡ് പാസ്ബുക്ക് കോപ്പിയും അപ്‌ലോഡ് ചെയ്യേണ്ടതാണ്. അല്ലാത്തപക്ഷം എക്സാം ആപ്ലിക്കേഷന്‍ പ്രോസസ് ചെയ്യുന്നതായിരിക്കില്ല.
• ഒരു പഠിതാവിന് ഓരോ അദ്ധ്യയനവര്‍ഷത്തിലും ഇഗ്രാന്‍റ്സായി ലഭിക്കുന്ന മുഴുവന്‍ തുകയും, അത് ലഭിക്കുന്ന മുറയ്ക്ക് ഉടന്‍ തന്നെ യൂണിവേഴ്സിറ്റിയിലേക്ക് തിരിച്ചടക്കേണ്ടതാണ്. സംസ്ഥാന, കേന്ദ്ര വിഹിതങ്ങള്‍ എന്ന രീതിയില്‍ രണ്ട് പ്രാവശ്യമായാണ് മുഴുവന്‍ തുകയും ക്രെഡിറ്റാകുക. ആഴ്ചകളുടേയോ മാസങ്ങളുടേയോ വ്യത്യാസത്തിലായിരിക്കും ഈ രണ്ട് തുകകളും അക്കൗണ്ടിലെത്തുക. ആയതിനാല്‍ ലഭിക്കുന്ന ഇ-ഗ്രാന്‍റ്സ് വിഹിതം, അത് എത്രതന്നെയായാലും അക്കൗണ്ടില്‍ ക്രെഡിറ്റ് ആയാല്‍ ഉടന്‍ തന്നെ പൂര്‍ണ്ണമായും, നിങ്ങളുടെ പ്രൊഫൈലില്‍ ലഭ്യമാക്കുന്ന ലിങ്കിലൂടെ യൂണിവേഴ്സിറ്റിയുടെ അക്കൗണ്ടിലേക്ക് അടയ്ക്കേണ്ടതാണ്. അല്ലാത്തപക്ഷം, പ്രോഗ്രാം വിജയകരമായി പൂര്‍ത്തിയാക്കി സര്‍ട്ടിഫിക്കറ്റിനായി അപേക്ഷിക്കുന്ന അവസരത്തില്‍ അതുവരെ ലഭിച്ച ഇഗ്രാന്‍റ്സ് തുകകള്‍ മുഴുവനുംകൂടി ഒറ്റത്തവണ അടയ്ക്കേണ്ടതായിവരുന്നതാണ്. തങ്ങളുടെ ബാങ്ക് അക്കൗണ്ടിന്‍റെ സ്റ്റേറ്റ്മെന്‍റ് എടുത്ത് പരിശോധിക്കുന്നതിലൂടെ മാത്രമാണ് പണം ലഭിച്ചകാര്യം ഉറപ്പാക്കാനാകൂ.
• കണ്‍സോളിഡേറ്റഡ് ഗ്രേഡ് കാര്‍ഡ്, പ്രൊവിഷണല്‍ സര്‍ട്ടിഫിക്കറ്റ്, ഡിഗ്രി സര്‍ട്ടിഫിക്കറ്റ് തുടങ്ങിയവയ്ക്കായി അപേക്ഷ സമര്‍പ്പിക്കുന്നതിന് മുന്‍പ്, ഇഗ്രാന്‍റ്സായി പഠന കാലയളവില്‍ ലഭിച്ച മുഴുവന്‍ തുകകള്‍, യൂണിവേഴ്സിറ്റിയുമായി ബന്ധപ്പെട്ട മറ്റ് ഏതെങ്കിലും ഫീസ് ഇനങ്ങള്‍ എന്നിവയുടെ തിരിച്ചടവ്, മറ്റ് ഏതെങ്കിലും വകുപ്പിലുള്ള ബാധ്യതകള്‍ മറ്റോ ഉണ്ടെങ്കില്‍ അതും തിരിച്ചടച്ചിട്ടുണ്ടെന്ന് ഉറപ്പാക്കേണ്ടതാണ്. അല്ലാത്തപക്ഷം മുകളില്‍ സൂചിപ്പിച്ചിട്ടുള്ള സര്‍ട്ടിഫിക്കറ്റുകള്‍ യൂണിവേഴ്സിറ്റി നല്‍കുകയില്ല എന്ന കാര്യം പ്രത്യേകം ശ്രദ്ധിക്കുക.

ഇ-ഗ്രാന്‍റ്സിന് അപേക്ഷിക്കുമ്പോള്‍ ശ്രദ്ധിക്കേണ്ട കാര്യങ്ങള്‍

• 2025-26 അദ്ധ്യയന വര്‍ഷം മുതല്‍ പുതുതായി പ്രവേശനം നേടുന്നവരും, നിലവില്‍ പഠിതാക്കളായി 2025-26 വര്‍ഷത്തില്‍ തുടരുന്നവരും, വരുമാനപരിധി 2.5 ലക്ഷത്തിനു താഴെ വരുന്നതും 50 വയസ്സിന് താഴെ മാത്രം പ്രായമുള്ളവരും, വര്‍ഷം 2000-ത്തിനുശേഷം ഏതെങ്കിലും ഗവ. അപ്രൂവ്ഡ് കോഴ്സുകള്‍ ചെയ്തവരുമായ SC, ST കാറ്റഗറിയില്‍ പെടുന്ന എല്ലാ പഠിതാക്കളും നിര്‍ബന്ധമായും National Scholarship Portal (https://scholarships.gov.in/) വഴി One Time Registration (OTR) നടത്തേണ്ടത് അനിവാര്യമാണ്.
• 50 വയസ്സ് പൂര്‍ത്തിയായ പഠിതാക്കള്‍ക്ക് OTR ചെയ്യുവാന്‍ സാധിക്കയില്ല. ആയതിനാല്‍ അപേക്ഷിക്കേണ്ടതില്ല.
• വര്‍ഷം 2000-ത്തിനുശേഷം ഏതെങ്കിലും ഗവ. അപ്രൂവ്ഡ് കോഴ്സുകള്‍ ചെയ്തിട്ടില്ലാത്തവര്‍ ഇഗ്രാന്‍റ്സിന് അപേക്ഷിക്കേണ്ടതില്ല.
• OTR വിജയകരമായി പൂര്‍ത്തിയാക്കുന്നവര്‍ക്ക് ഒരു Reference Number ലഭിക്കുന്നതാണ്. തുടര്‍ന്ന് E-grants പോര്‍ട്ടലില്‍ കയറി മെനുവില്‍നിന്ന് OTR Verification എന്നുള്ളിടത്ത് ക്ലിക്ക് ചെയ്യുമ്പോള്‍ Reference Number ചോദിക്കും. അവിടെ നമ്പര്‍ കൊടുത്ത് Validate ബട്ടണ്‍ ക്ലിക്ക് ചെയ്യുമ്പോള്‍ OTR Successfully Validated എന്ന് കാണിക്കും. ഇത്രയും ചെയ്തെങ്കില്‍ മാത്രമേ ഇ-ഗ്രാന്‍റ്സിനുള്ള അപേക്ഷ സമര്‍പ്പിക്കുവാന്‍ കഴിയുകയുള്ളൂ.
• മേല്‍ പറഞ്ഞ OTR Verification വിജയകരമായി പൂര്‍ത്തീകരിക്കാത്ത പഠിതാക്കള്‍ തുടര്‍ വര്‍ഷങ്ങളിക്കുള്ള പ്രൊമോഷന്‍ ലിസ്റ്റില്‍ ഉള്‍പ്പെടുന്നതായിരിക്കില്ല. ഇത് തുടര്‍ വര്‍ഷങ്ങളിലെ ഇ-ഗ്രാന്‍റ് നഷ്ടപ്പെടാന്‍ ഇടവരുത്തുന്നതാണ്.
• ഇ-ഗ്രാന്റ്സ് പോർട്ടൽ: SC, ST, OEC, OBC(H)വിഭാഗങ്ങലില്‍ ഉള്‍പ്പെടുന്ന പഠിതാക്കള്‍ക്ക് ഇ-ഗ്രാന്റ്സ് പോർട്ടലായ https://www.egrantz.kerala.gov.in (e-grantz 3.0) വഴിയും ഫിഷറീസ് ഇഗ്രാന്‍റ്സ് വിഭാഗക്കാര്‍ക്ക് https://scholarship. fisheries. kerala.gov.in (e-grantz 2.0) എന്ന പോര്‍ട്ടല്‍ വഴിയും അപേക്ഷ സമര്‍പ്പിക്കാവുന്നതാണ്.
• ശ്രീനാരായണഗുരു ഓപ്പണ്‍ യൂണിവേഴ്സിറ്റിയിലെ പട്ടികജാതി, പട്ടികവർഗം, ഒ.ഇ.സി., ഒ.ബി.സി(എച്ച്), ഫീഷറീസ് എന്നീ വിഭാഗങ്ങളിലുള്ള പഠിതാക്കള്‍ക്ക് മാത്രമാണ് ഇ-ഗ്രാന്‍റ്സിന് അപേക്ഷിക്കാന്‍ അര്‍ഹതയുള്ളത്.
• ജനറല്‍, ഒ.ബി.സി (ഈഴവ, തീയ്യ, മുസ്ലിം തുടങ്ങിയവ), മറ്റ് വിഭാഗങ്ങള്‍, എന്നിവര്‍ക്ക് ഇ-ഗ്രാന്‍റ്സ് ലഭിക്കുന്നതല്ല. ആയതിനാല്‍ ഈ വിഭാഗങ്ങളില്‍പെടുന്ന പഠിതാക്കള്‍ അപേക്ഷിക്കേണ്ടതില്ല.
• അപേക്ഷിക്കുമ്പോള്‍ ആദ്യം ജില്ല സെലക്ട് ചെയ്യണം. പഠിതാവ്, പഠിക്കുന്ന എല്‍.എസ്.സി ഏത് റീജിയണല്‍ സെന്‍ററിന് കീഴിലാണോ ആ റീജിയണല്‍ സെന്‍റ് പ്രവര്‍ത്തിക്കുന്ന ജില്ലയാണ് പഠിതാവിന്‍റെ ജില്ലയായി രേഖപ്പെടുത്തേണ്ടത്. (ഉദാഹരണത്തിന് കാസര്‍ഗോഡ് ജില്ലയിലെ എല്‍.എസ്.സിയില്‍ പഠിക്കുന്ന ഒരു പഠിതാവ് അദ്ദേഹത്തിന്‍റെ എല്‍.എസ്.സി. പ്രവര്‍ത്തിക്കുന്ന ജില്ലയായി രേഖപ്പെടുത്തേണ്ടത് കണ്ണൂര്‍ ജില്ലയാണ്. കാരണം, കണ്ണൂര്‍ ജില്ലയില്‍ ആസ്ഥാനമായുള്ള റീജിയണല്‍ സെന്‍ററിന് കീഴിലാണ് കാസറഗോഡ് ജില്ലയിലെ എല്‍എസ്.സികള്‍ പ്രവര്‍ത്തിക്കുന്നത്.) പഠിക്കുന്ന സ്ഥാപനം എന്നിടത്ത് ശ്രീനാരായണഗുരു ഓപ്പണ്‍ യൂണിവേഴ്സിറ്റിയുടെ ഏത് റീജയണല്‍ സെന്‍ററിനു കീഴിലാണോ താങ്കള്‍ പഠിക്കുന്നത്, ആ റീജിയന്‍ സെന്‍ററായിരിക്കണം പഠിക്കുന്ന സ്ഥാപനമായി സെലക്ട് ചെയ്യേണ്ടത്. അല്ലാത്തപക്ഷം അപേക്ഷ താങ്കളുടെ ആര്‍.സിയുടെ ഇ-ഗ്രാന്‍റ് പോര്‍ട്ടല്‍ ലോഗിഇനില്‍ ലഭിക്കാതെവരികയും ആനുകൂല്യം തടസ്സപ്പെടുകയുംചെയ്യും.

പഠിക്കുന്ന സ്ഥാപനം എന്ന് ചോദിക്കുന്നിടത്ത് കൊടുക്കേണ്ടതായ സ്ഥാപന ലിസ്റ്റ് ചുവടെ

• Sreenarayanaguru Open University Regional Centre, Kollam (For Thiruvananthapuram, Kollam and Pathanamthitta Dists.)
• Sreenarayanaguru Open University Regional Centre, Ernakulam (For Alappuzha, Ernakulam, Kottayam and Idukki Dists.)
• Sreenarayanaguru Open University Regional Centre Pattambi (For Thrissur and Palakkad Dists.)
• Sreenarayanaguru Open University Regional Centre Kozhikode (For Kozhikode and Malappuram Dists.)
• Sreenarayanaguru Open University Regional Centre Thalassery (For Wayanad, Kannur and Kasaragod Dists.)
• പ്രവേശനം നേടിയ പ്രോഗ്രാം സെലക്ട് ചെയ്യുമ്പോള്‍ കൃതമായിതന്നെ അത് സെലക്ട് ചെയ്യുക. മൂന്ന്, നാല് വര്‍ഷ ബിരുദ കോഴ്സുകള്‍ സെലക്ട് ചെയ്യുമ്പോള്‍ പ്രത്യേക ശ്രദ്ധവേണം. (ഉദാഹരണത്തിന് ബി.എ. ഹിസ്റ്ററി, സോഷ്യോളജി, ഇംഗ്ലീഷ്, മലയാളം, ബികോം, ബി.ബി.എ എന്നീ കോഴ്സുകള്‍ നാല് വര്‍ഷ പ്രോഗ്രാമുകളാണ്. എന്നാല്‍ മുന്‍ വര്‍ഷങ്ങളില്‍ നടന്നുവരുന്ന ഇതേ പ്രോഗ്രാമുകളുടെ മൂന്ന് വര്‍ഷ പ്രോഗ്രാമുകളുടെ പേരും പ്രോഗ്രാം ലിസ്റ്റില്‍ ലഭ്യമാണ്.)
• അപേക്ഷകർ സര്‍ക്കാര്‍ അംഗീകരിച്ച ഒരു തിരിച്ചറിയല്‍ കാർഡ്, ബാങ്ക് പാസ്ബുക്ക് പേജ്, കാലാവധി കഴിയാത്ത വരുമാന സർട്ടിഫിക്കറ്റ് (ഒരു വര്‍ഷ കാലാവധി), ജാതി സർട്ടിഫിക്കറ്റ് (മൂന്ന് വര്‍ഷ കാലാവധി), അലോട്ട്മെന്‍റ് മെമ്മോ തുടങ്ങിയ രേഖകൾ നിര്‍ബന്ധമായും അപേക്ഷയോടൊപ്പം അപ്‌ലോഡ് ചെയ്യേണ്ടതാണ്. ജാതി സര്‍ട്ടിഫിക്കറ്റിന് പകരമായി മറ്റ് യാതൊരു രേഖകളും പരിഗണിക്കുന്നതല്ല. ഉദാഹരണം Non Creamy Layer (NLC) സര്‍ട്ടിഫിക്കറ്റ്, എസ്.എസ്.എല്‍.സി ബുക്ക് തുടങ്ങിയവ.
• SC, ST വിഭാഗത്തില്‍പെടുന്ന പഠിതാക്കള്‍ തങ്ങളുടെ ബാങ്ക് അക്കൗണ്ടുകള്‍ നിര്‍ബന്ധമായും ആധാറുമായി ബന്ധിപ്പിച്ചതായിരിക്കണം (Aadhar Seeded). പുതുതായി സീറോ ബാലന്‍സ് അക്കൗണ്ട് എടുക്കേണ്ടി വരികയാണെങ്കില്‍ പ്രസ്തുത അക്കൗണ്ട് ആധാറുമായി ലിങ്ക് ചെയ്യേണതാണ്. അല്ലാത്തപക്ഷം ഇ-ഗ്രാന്‍റ് ലഭിക്കുന്നതിന് തടസ്സം നേരിടുന്നതാണ്.
• അക്ഷയ സെന്‍റര്‍, സി.എസ്.സി തുടങ്ങിയ പൊതു കേന്ദ്രങ്ങളിലൂടെ അപേക്ഷകള്‍ സമര്‍പ്പിക്കുന്ന വിദ്യാര്‍ഥികള്‍, അപേക്ഷയോടൊപ്പം അപ്‌ലോഡ് ചെയ്യുന്ന രേഖകള്‍ തങ്ങളുടേതന്നെയാണെന്ന് ഉറപ്പുവരുത്തേണ്ടതാണ്.
• തുടര്‍ന്ന് നിങ്ങളുടെ അപേക്ഷ പ്രിന്‍റ് ചെയ്ത്, അപ്‌ലോഡ് ചെയ്ത സര്‍ട്ടിഫിക്കറ്റുകളുടെ പകര്‍പ്പ്, അടിസ്ഥാന യോഗ്യതാ സര്‍ട്ടിഫിക്കറ്റുകള്‍, ആധാര്‍ കാര്‍ഡിന്‍റെ പകര്‍പ്പ് സഹിതം അതാത് റീജിയന്‍ സെന്‍ററുകളില്‍ നേരിട്ടോ ,തപാൽമാർഗ്ഗമോ സമര്‍പ്പിക്കേണ്ടതാണ്.
• ഓപ്പണ്‍ യൂണിവേഴ്സിറ്റിയുടെ പഠിതാക്കള്‍, അവരുടെ ആദ്യ സെമസ്റ്ററില്‍ മാത്രമാണ് അപേക്ഷ സമര്‍പ്പിക്കേണ്ടത്. തുടര്‍ന്നുള്ള വര്‍ഷങ്ങളില്‍ വീണ്ടും അപേക്ഷിക്കേണ്ടതില്ല. ഇയര്‍ പ്രൊമോഷന്‍ യൂണിവേഴ്സിറ്റിയുടെ ഭാഗത്തുനിന്നാണ് ചെയ്യുന്നതാണ്. ആദ്യ വര്‍ഷം/വര്‍ഷങ്ങളില്‍ അപേക്ഷിക്കാന്‍ കഴിയാതെ പോകുന്ന പഠിതാക്കള്‍ക്ക് തുടര്‍ന്നുള്ള വര്‍ഷം പ്രസ്തുത വര്‍ഷത്തേക്കുള്ള അപേക്ഷ സമര്‍പ്പിക്കാവുന്നതാണ്. കഴിഞ്ഞു പോയ വര്‍ഷങ്ങളിലേക്കുള്ള അപേക്ഷ സ്വീകരിക്കുന്നതല്ല.
• എല്ലാ പഠിതാക്കളും ഒരോ വര്‍ഷം പൂര്‍ത്തിയാക്കുമ്പോഴും (രണ്ട് സെമസ്റ്ററുകള്‍), ഇഗ്രാന്‍റ്സ് പോര്‍ട്ടലിലെ (https://www.egrantz.kerala.gov.in) Track Application ഓപ്ഷന്‍ വഴി തങ്ങളുടെ അപേക്ഷ അടുത്ത വര്‍ഷത്തേക്ക് പ്രൊമോട്ട് ചെയ്തിട്ടുണ്ടെന്ന് ഉറപ്പുവരുത്തേണ്ടതാണ്. അല്ലാത്തപക്ഷം ഉടന്‍ തന്നെ അതാത് റീജിയണല്‍ സെന്‍ററില്‍ അറിയിക്കേണ്ടതാണ്. SC, ST വിഭാഗങ്ങളില്‍ വരുന്ന, OTR ചെയ്ത് വാലിഡേറ്റ് ചെയ്തിട്ടില്ലാത്ത പഠിതാക്കളുടെ പേര് പ്രൊമോഷന്‍ ലിസ്റ്റില്‍ കാണിക്കുന്നതല്ല. പോര്‍ട്ടലില്‍ ലോഗ് ഇന്‍ ചെയ്യാതെ തന്നെ, പോര്‍ട്ടല്‍ ലാന്‍ഡിംഗ് പേജില്‍ തന്നെ ഏറ്റവും താഴെയായി കാണുന്ന Track Application ബട്ടണില്‍ ക്ലിക് ചെയ്ത് ആധാര്‍ നമ്പരും ജനന തീയതിയും നല്‍കി ആപ്ലിക്കേഷന്‍ ട്രാക്ക് ചെയ്യുവാന്‍ സാധിക്കുന്നതാണ്.
• അപേക്ഷിക്കാനുള്ള അവസാന തീയതി, വരുമാന പരിധി, യോഗ്യതാ മാനദണ്ഡങ്ങൾ തുടങ്ങിയവയിൽ കാലോചിതമായ മാറ്റങ്ങളുണ്ടാവാം. അതിനാൽ, അപേക്ഷിക്കുന്നതിനുമുമ്പ് ഔദ്യോഗിക വെബ്സൈറ്റുകളിലെ മാർഗ്ഗനിർദ്ദേശങ്ങൾ ശ്രദ്ധാപൂർവ്വം വായിക്കേണ്ടത് അനിവാര്യമാണ്.